#dzedzich_магчымасці ⚡ Наша каманда запускае крутую адукацыйную праграму. За тры месяцы ты рэалізуеш свой праект (ад дваровага фэсту да сацыяльнай майстэрні), навучышся працаваць з камандай і шукаць спонсараў.
❗ Што за праграма?
Гэта “Школа праектнага менеджэра 2.0”. Чаму 2.0? Таму што такі праект рабяты ўжо рабілі ў мінулым годзе (https://dzedzich.org/wp-content/uploads/2020/05/%D0%91%D1%83%D0%BA%D0%BB%D0%B5%D1%82-%D0%A8%D0%9F%D0%9C.pdf) і вось зараз запускаюць другі сезон. У ім могуць паўдзельнічаць усе жадаючыя (жыхары Брэста ад 18 гадоў). Адзінае патрабаванне – хацець ладзіць двіжухі ў горадзе ва ўмовах закрытых межаў і пандэміі.
❗ Чаму навучаць?
Запрошаныя эксперты навучаць удзельнікаў правільна афармляць сваю ідэю ў праект, а менавіта:
як пазначыць і сфармуляваць праблему;
як знайсці партнёраў, грошы і зацікаўленых людзей у каманду;
як кіраваць камандай, планаваць яе дзейнасць і ацэньваць вынікі.
Пасля адукацыйных блокаў кожны ўдзельнік зможа напісаць і рэалізаваць свой міні-праект. Арганізатары падтрымаюць 10 самых класных праектаў. На працягу ўсіх этапаў (люты-май) ўдзельнікі «Школы» змогуць кансультавацца з экспертамі ў праектным менеджменце.
Аўтараў трох “самых-самых” праектаў ўзнагародзяць прызамі. Ўзнагароджанне пройдзе ў святочнай абстаноўцы з удзелам прадстаўнікоў НДА Брэста і Беларусі.
❗ Калі пройдзе “Школа”?
“Школа праектнага менеджэра” пройдзе ў лютым і будзе разбіта на тры адукацыйных блока. Два з іх пройдуць у Брэсце, трэці – за горадам, у “Доме еўрапейскіх сустрэч”. Кожны блок будзе доўжыцца каля 8 гадзін.
Пасля навучання ўдзельнікі “Школы” будуць рэалізоўваць свае праекты – з сакавіка па май. У канцы мая рабят чакае выпускны – узнагароджанне аўтараў лепшых праектаў, уручэнне сертыфікатаў аб праходжанні навучання і святочны фуршэт.
Для ўдзелу ў праграме трэба запоўніць заяўку (https://docs.google.com/forms/d/e/1FAIpQLSex_MLerGPm3kimN_FYnkvXMgj-VRkiecBbavHBwSJgazhdcw/viewform) да 29 студзеня. Усяго ў “Школу” набяруць 20 чалавек. І так, гэта сапраўды бясплатна.
Па ўсіх пытаннях звяртайцеся да Дзяніса: +375298010147 (Viber, WhatsApp, Telegram).
